الجمعة، 10 مايو 2013

إيه الفرق بين الاستدعاء أو طلب الحضور للقسم والقبض ؟

إيه الفرق بين الاستدعاء أو طلب الحضور للقسم والقبض ؟

 

من حق الضباط دون إذن من النيابة أو المحكمة يبعثوا للناس طلب للحضور و يستدعوهم للقسم علشان يسألوهم في محضر و يسألوهم عن معلومات عن جريمة حصلت1 و من حق الناس تروح أو ما تروحش عند الاستدعاء أو طلب الحضور للقسم، لكن مش من حق حد يستخدم العنف أو القوة لإحضار الناس للقسم في طلب الحضور.

أما القبض فيكون بأمر من المحكمة أو بإذن من النيابة المختصة أو يكون المتهم في حالة من حالا التلبس بجريمة تزيد عقوبتها عن 3 أشهر حبس، و مكن استعمال القوة في تنفيذ القبض لو المتهم رفض التنفيذ بمزاجه و بالذوق أو حاول يهرب أو يقاوم الشرطة2.

 


  1. ^المادة 32 من قانون الإجراءات الجنائية

  2. ^المادة 40 من قانون الإجراءات الجنائية
    المادة 84 من التعليمات العامة للنيابات

     

1 comments:

  1. شكرا للافادة يا استاذ حسن

    ردحذف