الجمعة، 10 مايو، 2013

إيه الفرق بين أن حد يوقفني يسألني عن البطاقة و إنه يوقفني و يقول لي أنه مشتبه فيّ أو هياخدني تحري؟

إيه الفرق بين أن حد يوقفني يسألني عن البطاقة و إنه يوقفني و يقول لي أنه مشتبه فيّ أو هياخدني تحري؟

 

السؤال عن البطاقة حق لأي فرد من الشرطة علشان يتأكد من شخصية الشخص ال سألوه عن بطاقته، و دا إجراء إداري لحفظ الأمن و النظام في الشارع، و لو ما فيش معه بطاقة يعملوا له محضر مخالفة في المكان ال هو فيه من غير ما يودوه القسم و لا يقبضوا عليه أو يفتشوه أو يحبسوه و بدون استخدام القوة1.
أما التوقيف (الاستيقاف) يكون للشخص عابر السبيل ال حط نفسه بإرادته في موقف شك و ريبه و من حقهم الاستعلام عنه باللاسلكي، و لو عليه أحكام قائمة، أو مطلوب القبض عليه بأمر ضبط و إحضار من النيابة أو المحكمة من حقهم اصطحابه للقسم، لكن لو مش مطلوب في حاجة لازم يسيبوه فورا من غير ما يقبضوا عليه أو يفتشوه أو يودوه القسم.
و في الحالتين مش من حق أي حد أنه يهينك أو يعتدي على جسمك أو كرامتك، و أي حد يتجاوز حدوده مهما كان يتحاسب على خطئه في حقك، لكن لازم تتمسّك بحقك و تشتكي أي حد انتهك حقوقك أو أهانك أو شتمك أو ضربك أو حبسك أو فتشك بدون وجه حق2.


  1. ^نقض 4495 لسنة 58ق 24\1\1990 ؛ أحكام النقض
  2. ^نقض 16\5\1966 أحكام النقض س17 رقم 10 ص613

0 التعليقات

إرسال تعليق