Ads Here

مصطلحات المحاكم الشائعة للزملاء المحامين حديثي العهد بمهنة المحاماه

مصطلحات المحاكم الشائعة للزملاء المحامين حديثي العهد بمهنة المحاماه

مصطلحات المحاكم الشائعة للزملاء المحامين حديثي العهد بمهنة المحاماه


- البروتستو : -
مختص بالدعاوي التجاريه وده المكان اللي بيطلع منه الورقه اللي بتثبت ان الشخص اللي انا عايز اشهر افلاسه مدفعش الكمبياله.

- دفتر الاحوال : -
وده موجود في القسم واللى بيتسجل فيه المحاضر اللي دخلت القسم بارقامها

- الاستيفاء : -
مكان التواجد : في القسم والمحكمه وده عباره عن مجموعه من امناء الشرطه اللي لو في اجراء ناقص او خانه مش تامه في المحضر هما اللي بيكملوها .
مثال :-
- زي مثلا لما تروح تقدم بلاغ ضد شخص ومش عارف غير اسمه ثنائي وظيفه الاستيفا انه بيبعت امين شرطه بيستوفي الاجراءات دي يعني الاسم ايه وطبعا من العنوان.
- وفي حالات اجراءات المعاينه برضه بتبقي من الاستيفاء الاستيفا ملهاش دفتر دي عباره عن غرفه فيها الامناء بتوع الاستيفا وبنعرف ان كان المحضر لسه في الاستيفا ولا لا عن طريق الاجنده .
- الاجنده : -
اللي بيتسجل فيها كل من:-
- اللي تم في الجلسه .
- ارقام الحصر .
- بنعرف منها القرار السابق للجلسه .
- بنعرف منها الرول .
- بتبقي موجوده مع سكرتير الجلسه .
- الاجنده دي بيبقي محدد فيها الجلسه باليوم يعني لما تروح تسال هتسال وتقول مثلا :-
لو كانت الجلسه محدد ليها تاريخ
تشوف اليوم مثلا :-
۲۷-۲ده موافق يوم ايه ....يوم الاحد يبقي تدخل وتقول اجنده الاحد مع مين وتشوفها مع سكرتير الجلسه وهنعرف بعد شويه فين سكرتير الجلسه .

- الجدول : -
مكان التواجد :ده بيبقي موجود فى المحكمة وده بيتسجل فيه القضيه من اولها لاخرها
من ساعه مادخلت المحكمه لحد ما وقفت.

- الفهرس : - 
ده انت بتعرف منه ان كانت في قضايا مرفوعه ولا لا يعني ده اللى بيرتب القضايا اللي
داخله للمحكمه.

- دفتر الحصر : -
وده اللي بيبقي موجود فيه لو كان المتهم عمل معارضه من عدمه او استأنف وده بيبقى فى غرفه التنفيذ بتجيب الرقم بتاع الحصر من الاجنده

- دفتر الصادر والوارد : -
مكان التواجد:-
ده بيبقي في المحكمه وده عباره عن الفهرس المتسجل فيه المحاضر اللي جايه من القسم.

- رئيس القلم : -
وده هو رئيس السكرتاريه بتوع الجلسات واللي بيبقي معاه الاختام
-بتحدد من عنده الرسم لما بترفع الدعوي
-بتختم من عنده أي ورق متعلق بدايرته

- أمين السر أو سكرتير الجلسه : - 
ده السكرتير اللي بيكتب ورا القاضي
- بيبقي معاه الاجنده بتاعه اليوم والجلسه
- لما تيجي تاخد صوره رسميه من محضر او الحكم بيبقى من عنده .

- الباشمحضر او رئيس المحضرين : - 
رئيس المحضرين اللي لما بتيجي تسلم اعلان بتسلمهوله وبتاخد من عنده الرقم بتاع المحضرين

- المحضر : -
ده اللي بيشتغل تحت ايد الباشمحضر واللي بيعلنلك الاعلان اللي انت مقدمه

- قلم الصور : - 
المكان الذي يتم منه استلام الاحكام المنسوخه. يعنى لو هتاخد صورة رسمية من حكم بتستلمها من السكرتير وبعد التصوير بتروح تاخد رقم من قلم الصور على الحكم.

Ads middle content1

Ads middle content2